Ay Karbala Ke Haider Lyrics

Karbobala Ke Haider Aaqa Madad Ko Aao
Aye Shaah Ke Baraadar Aaqa Madad Ko Aao
Toofaa Mey Hai Safeena Aye Aashiq E Sakina
Jaldi Bachaalo Aakar Aaqa Madad Ko Aao
Dunya Bhulaa Rahii Hai Qurbaani E Shah E Dee
Aye Aashinaa E Sarwar Aaqa Madad Ko Aao
Lelekey Pyaasey Koozey Pyaasey Khadey Huwey Hai
Kardo Ataa Samandar Aaqa Madad Ko Aao
Ye Qoob Jaantii Hai Baazu Nahi Hai Phir Bhi
Dunya Khadii Hai Darr Par Aaqa Madad Ko Aao
Gurbat Ki Laaj Rakhlo Ulfat Ki Laaj Rakhlo
Aye Aetebaar E Sarwar Aaqa Madad Ko Aao
Sher E Qudaa Ki Dukhtar Zainab Ka Waasta Hai
Sabr O Razaa Ke Paikar Aaqa Madad Ko Aao
Azmat Ki Sarhado Mey Kaunain Ki Hado Mey
Hai Kaun Tumsey Behtar Aaqa Madad Ko Aao
Kitney Gharo Mey Bachey Bhookey Bhilak Rahey Hai
Tum Ho Gareeb Parwar Aaqa Madad Ko Aao
Takraa Rahey Hai Humsey Zulm O Sitam Ke Lashkar
Sher E Qudaa Ke Dilbar Aaqa Madad Ko Aao
Aayina E Aza E Shaah E Hudaa Ki Jaanib
Aaney Lagey Hai Pathar Aaqa Madad Ko Aao
Chaaya Huwa Andhera Hai Bey Wafaayiyo Ka
Arsh E Wafa Me Akhtar Aaqa Madad Ko Aao
Ghutlaa Rahi Hai Dunya Pyaaso Ki Wo Kahaani 
Mashk O Alam Ko Leykar Aaqa Madad Ko Aao
Kashkol E Dil Badhaaye Rabb Se Bilaal O Aamir
Aakey Khadey Hai Darr Par Aaqa Madad Ko Aao