Bap Ka Ghar Se Taboot Jisdam Chala 
Haye Beti Ne Rokar Padha Marsiya 
Khoon Ke Ashk Aankhon Se Honge Rawan
Chain Ek Pal Na Payega Ab Dil Mera 

1. Ab Talak Mai Tadapti Thi Man Ke Liye 
Aap Ki Yaad Aayegi Ab Rat Din 
Sar  Pe Man Baap Donon Ka Saya Nahi
Ye Qiyamat Rulayegi Ab Rat Din 
Ab To Zainab Hai Our Ye Yateemi Ka Gham 
Zindagi Har Qadam Ab Lage Gi Qaza 

2. Roke Kahti Thi Zainab Mere Baba Jan Chain Ek Pal Kahin Ab Na Paungi Mai
Aap Ka Our Amma Ki Furqat Ka Gham
Donon Ek Sath Kaise Uthaungi Mai
Ab Nigahun Me Chhaya Rahe Ga Dhuwan 
Our Rulayega Hardam Khyal Aapka 

3. Name Jab Bhai Yateemi Ka Sunti Thi Mai
Kanp Jata Tha Seene Me Mera Jigar 
Kaise Rahte Hain Bachche Pidar Ke Bina 
Dil Dahelta Tha Is Baat Ko Soch Kar  
Mujhko Himmat Ki Dekar K Jayen Dua Ab Yateemi Se Zainab Ka Hai Samna 

4. Dard Ki Tegh  Se Us Ghadi Aye Pidar 
Haye Mera Kaleja To Phat Jayega 
Aap Ke Soone Hujre Mai Jab Aapka 
Mujhko Khali Musallah Nazar Aayega 
Aapko Dil Tadapkarke Dega Sada 
Sabr Kaise Karungi Gi Wahan. Mai Bhala 

5. Aap Kahte The Kufa Badal Jayega 
Lag Raha Hai Wo Din Aagaya Hai Qareeb 
Ab Yaqeen Hogaya Aapke Shahr Me 
Ek Din Hone Wali Hai Zainab Ghareeb 
Hai Jahan Meri Shahi Usi Shahr Me
Qaid Hokar Ke Aaungi Mai Be Rida 

6. Aye Mere Baba Jan Hamne Socha Na Tha 
Chhod Kar Aap Hamko Chale Jayenge 
Baapki Wo Nigahen Muhabbat Bhari 
Aaj Ke Bad Bachche Kahan Payenge 
Mera Abbas Jakarke Dahleez Par 
Kiske Aane Ka Dekhega Ab Rasta 

7. Haye Waiz Hua Ek Mahshar Bapa 
Aye Ali Jab Ye Zainab Ne Rokar Kaha 
Roye Hasnaino Abbas Sar Peet Kar 
Baap Se Jab Beti Ne Ki Iltija 
Waqte Shame Ghareeban Jo Dun Mai Sada 
Aap Aakar Badhana Mera Howsla