Ek Ahsas Jagata Hai

Sab Ko Raah Dikhata Hai

Jab Mah E Ramzan Aata Hai (2)

Naik Amal Karne Ke Din Hai Khud Ko Naik Banao

Jin Ko Dukho’n Ne Ghair Liya Hai Un Ke Dard Mitao

Ek Paigham Sunata Hai

Dil Ke Zakhm Mitata Hai

2-Ramzan Ki Barkat Kiya Kehna

Allah Ki Rehmat Kiya Kehna

Sehri Ek Naimat Kiya Kehna

Dik Raat Ibadat Kiya Kehna

Kushiyan Eid Ki Lata Hai

Bichre Huwo’n Ko Milata Hai

Waqt Sehar Ho Ya Iftari Dastar Khuwan Bicha Kar

Farz Ibadat Karni Hai Bacho’n Ko Sath Mila Kar

Yun Adaab Sikhata Hai

Ulfat Pyaar Barhata Hai

Bhatke Huwe Ko Raah Dikhana Jhoot Se Nafrat Karna

Bhuko’n Ko Roti Pochana Muflis Ka Dum Bharna

Jo Allah Batata Hai

Us Raste Pe Chalata Hai

Subh Sawere Pehle Namazain Us Ke Bad Tilawat

Din Bhar Apna Rizq Kamana Aur Roze Ki Haalat

Jism Ko Pak Banata Hai

Rab Ki Yaad Dilata Hai

Maiyaar Ibadat Hai – Ramzan

Zehno Ki Taharat Hai – Ramzan

Sajdo’n Ki Riyazat Hai – Ramzan

Bakshish Ki Zamanat Hai – Ramzan

Dil Se Dil Ko Milata Hai

Jeena Hum Ko Seekhata Hai

Mazhar O Mesum Ek Mahina Saal Main Aesa Aaye

Bande Se Mabood Ka Rishta Jo Mazboot Banaye

Yaad Khuda Ki Lata Hai

Dil Sajde Main Jata Hai