BA WAQT E RUKSATE HYDER JO AAYI ROOHE BATOOL
TADAP KE BOLI MERE HAMSAFAR WASI E RASOOL 
HUWA NA AAPKI TARAHA KOI BHI YOUN MAQTOOL
YEH JAAN LEVA MUSAIBAT KIYA ISSE BHI QABOOL

BAS AB YEH ZABT E SITAM KHATM KIJIYE MOULA
HAME BHI APNA ZARA WAQT DIJIYE MOULA

AYE MERE HAMSAFAR MERE HYDER MAI AAYI HOON
LENE TUMHE AYE SAQI E KAUSAR MAI AAYI HOON

AB SANG CHALO KE ZULMO SITAM SEH CHUKE BOHAT
HUM BHI BAGHAIR APKE AB REH CHUKE BOHAT
IS WASTE BHI AYE MERE SHOHAR MAI AAYI HOON


KAISA SITAM HAI KAISA MUSIBAT KA HAI SAMA'N
GHASH ME HAIN AAP AUR HAI SAR SE LAHOO RAWA'N
MARHAM LAGANE ZAKHM KE UPAR MAI AAYI HOON

BACHON KA KITNA DHYAN RAKHA MERE BAAD ME
EHSAAS E MAA NA HONE DIYA MERE BAAD ME
KARNE TUMHARA SHUKRIYA DILBAR MAI AAYI HOON

GEHRA HAI ZAKHM TEGH
AMAMA HAI KHOON ME
DOOBA HUWA JO APKA CHEHRA HAI KHOON ME
KARNE KO SAAF WOH RUKH E ANWAR MAI AAYI HOON

SAB SAUP KE HASAN KO MERE SATH ME CHALO
AB ODHLO KAFAN KO MERE SATH ME CHALO
FARIYAD YEH ZABAN PAR LEKAR MAI AAYI HOON

GHABRAO MAT KE SHABBAR O SHABBIR BHI TO HAIN
ABBAS BHI HAI ZAINAB E DILGEER BHI TO HAIN
YEH SOCH KAR WASI E PAYAMBAR MAI AAYI HOON

FIRDAUS ME BHI HOKE YEH DUKHIYA UDAAS HAI
HAI 
APKE BAGHAIR YEH ZEHRA UDAAS HAI
BEHER E SUKOON AYE MERE HAMSAR MAI AAYI HOON

JIS DAM GAYI HAYAT KO DEKE REHAYI MAI
LEKE GAYI THI AAPKE GHAR SE VIDAYI MAI
PHIR  EK BAAR APKE GHAR PAR MAI AAYI HOON

AAYE AAMIR O KUMAIL WOH MANZAR AJEEB THA
GODIH ME SAR KO RAKKHE YEH KEHTI THI FATIMA
BABA KE PAAS ASHK BAHA KAR MAI AAYI HOON