Pehlu Bhi Shikasta Hai Lyrics In Urdu

Pehlu Bhi Shikasta Hai, Turbat Bhi Shikasta Hai
Kya Haal Yeh Ummat Ne, Zehra Ka Banaaya Hai
Khatoon Koi Ghum Se Yun Choor Nahi Dekhi,
Aisi Koi Duniya Me, Mastoor Nahi Dekhi,
Athhaara (18) Baras Me Hii, Lagti Jo Zayeefa Hai
Pehlu Bhi Shikasta Hai, Turbat Bhi Shikasta Hai

Darbaar Me Zaalim Ne, Kee Aisi Fazeeraai,
Kis Tarha Se Tu Bibi, Phir Laut Ke Ghar Aayi,
Baalon Ki Safedi Ne, Sab Haal Sunaaya Hai
Pehlu Bhi Shikasta Hai, Turbat Bhi Shikasta Hai

Tu Roti Rahi Ghar Me, Haider Se Bhi Chhup Chhup Ke,
Ismat Ki Tarha Dukh Bhi, Parde Me Rahe Tere,
Kuch Dard Tere Bibi, Bas Jaanti Fizza Hai
Pehlu Bhi Shikasta Hai, Turbat Bhi Shikasta Hai

Do Aise Janaaze Hai, Taarikh Me Jo Utthe,
Bas Ghar Ke Hii Logo Ne, Dono Ko Diye Kaandhe,
Ik Fatema Zahra Hai, Ik Baali Sakina Hai
Pehlu Bhi Shikasta Hai, Turbat Bhi Shikasta Hai
Marham Tere Zakhmon Ka, Bibi Na Milaa Ab Tak,
Aulaade Umayya Ki, Baaqi Hai Jafaa Ab Tak,
Rone Pe Bhi Pehra Tha, Turbat Pe Bhi Pehra Hai
Pehlu Bi Shikasta Hai, Turbat Bhi Shikasta Hai

Mismaar Tera Rauza, Ummat Ne Kiya JabSe,
BabaTera Rehta Hai, Turbat Pe Teri Tab Se,
Kab Ghumbad-e-Khizra Me, Baba Tera Rehta Hai
Pehlu Bhi Shikasta Ha, Turbat Bhi Shikasta Hai
Mehdi Se Koi Pooche, Kya Uss Pe Guzarti Hai,
Awaaz Baqayya Se, Jab Rone Ki Aati Hai,
Aankhon Se Lahu Rokar, Woh Bhi Yehi Kehta Hai
Pehlu Bhi Shikasta Hai, Turbat Bhi Shikasta Hai

Tasweer Haqiqat Ki, Khwaabon Ko Banaadijiye,
Ai Bibi Takallum Ko, Taabir Dikhaadijiye,
Matam Teri Turbat Pe, Hote Huwe Dekha Hai
Pehlu Bhi Shikasta Hai, Turbat Bhi Shikasta Hai.....