Imaan Ka Irfan, Ye Irfan Muazzam 
Yani Shaoor E Deen Hai Shaban Muazzam 
Har Saal Kaye Aadmi Jaate Hain Karbala 
Har Saal Kaye Bante Hain Insaan Muazzam 

Shaban Ka Mahina....
Shaban Ka Mahina.... 

Imaan Ka Mahina, Shaban Ka Mahina 
Labbaik Ya Hussain Ke Elaan Ka Mahina 
Shaban Ka Mahina 

Har Maah Ke Lie Hai Ye Maah E Sarfarazi 
Shabbir Or Zainab, Aaye Hain Isme Ghazi 
Quran Par Hai Yani Quran Ka Mahina 

Ab Mustafa Mujh Se Hussain Hai Ye 
Or Me Hussain Se Hun Elaan Mera Suniye 
Hai Daste Syeda Ke Palaan Ka Mahina 

Akbar Ke Noor Ki Ye Tanzeel Ka Mahina 
Hai Noor E Mustafa Ki Tamseel Ka Mahina 
Yani Har Ik Jawaan Ki Pehchan Ka Mahina 

Is Maah Sab Hussaini Jannat Me Jaa Rahe Hain 
Sab Karbala Ke Zaair Naare Laga Rahe Hain 
Ye Hai Yaziyat Ke Nuqsaan Ka Mahina 

Saare Munafiqoun Ki Hogi Zabaan Bandi 
Sab Kaazibo Ki Hogi Ab To Bayaan Bandi 
Ye Hai Sahi Sahabi Salman Ka Mahina 

Jashn E Hussaniat Hai Har Surkhuru Watan Me 
Sham O Iraq Me Or Lebanon Me Yemen Me 
Sehoniyat Pe Bhaari Iran Ka Mahina 

Daawe Daleel Saare Raddi Me Daalne Hain 
Bus Alajal Me Yasir Lamhe Guzarne Hain 
Hai Barhwain Khudayi Burhaan Ka Mahina